سورة الكهف مسموعة بصوت الشيخ ماهر المعيقلي

 

عادل إمام في مسرحية "شاهد مشفش حاجه، قال للقاضي : عارف حضرتك نفق العباسية؟ 

والقاضي رد : ايوا عارفه.

عادل إمام قاله : مش فيه راجل بتاع عصير هناك؟! عارفه؟ 

القاضي: ايواا؟ 

عادل إمام يرد "وحِش متبئاش تشرب منه" 

إفيه عادي جدا 

بس الحاجة الغريبة انه فعلا كان في آخر نفق العباسية فيه محل قصب بيقدم عصير سئ جدًا.

‏أول ما الإيفيه إنتشر كل الناس فى مصر راحت للمحل اللى حكى عليه عادل إمام عشان تجرب عصيره 'السئ' و يتأكدوا انه فعلاً "سئ"، صاحب المحل في البداية إتضايق جداً وكان عايز يشتكي عادل إمام، بس إتفاجئ وقتها بكمية الزباين وبرغم ان الدعايه سلبيه لكنها عملتله شهرة غريبه.

‏المحل اللي كان صغير ومحندق دا إشتهر وكِبر و بقي عنده فروع في مصر كلها وبرضو بيقدم نفس العصير السئ لانه أصلاً من الأساس بيشتري قصب تعبان وماحاولش يطور من نفسه.

الخدمة اللى قدمها عادل إمام لصاحب المحل هي نفسها الخدمة اللي بنقدمها في السوشيال ميديا لناس ما عندهاش أي محتوي أو محتوي تافه.

‏

‏بلاش نقعد نحكى ونهري في الموضوع كام يوم وبعدها نستغرب ازاي الإمّعة دا إشتهر ؟ وبما إنك إنت جزء لا يتجزأ من النسيج المجتمعي هتشوف الناس بتتكلم عن الحاجة الهايفة وبيحاولوا يجروك غصب عنك إنك تدخل في الدوامة معاهم، 

تجاوز وما تخليش الناس تشربك عصير القصب الوحش من نفق العباسية.